അതുകൊണ്ടാവും?
ഉണര്ന്നപ്പോള്
മുറിയിലൊകെ
പൂത്തു നില്ക്കുന്ന
വല്ലാത്ത സുഗന്ധം
കിടക്കുന്നതിനു മുമ്പ്
അന്നും ഊതിവിട്ടിരുന്നത്
അസ്വാസ്ഥ്യത്തിന്റെ
പുകച്ചുരുളകളായിരുന്നല്ലോ
പിന്നെങ്ങനെ?
ഉറങ്ങുന്നതിനു മുമ്പ്
ചോരപുരണ്ട അക്ഷരങ്ങളായ്
ഹൃദയത്തിലേക്ക് കുത്തിക്കയറിയത്
ഉറുമ്പെരിക്കുന്ന കഫക്കട്ടകളായിരുന്നില്ലേ*
പിന്നെന്തുകൊണ്ട്?
അപരിചിതമായ
കൊടുംകാടുകളിലൂടെ
ഏതോ കുസൃതിക്കൊമ്പനോടിച്ചപ്പോള്
അകപ്പെട്ടുപോയത്
ഭൂതകാലങ്ങളുടെ കൊടും ചതുപ്പുകളിലും
പിന്നെന്തായിരിക്കും?
കുഞ്ഞു നക്ഷത്രങ്ങള്
ഭൂമിയില്
ഞങ്ങളൊഴികെ
മറ്റാരും ഉണര്ന്നിരിക്കരുതേ
എന്നാവും
പ്രാര്ത്ഥിച്ചിട്ടുണ്ടാവുക
പെയ്യാതെ വീര്പ്പു മുട്ടിയ
മുഴുവന് മേഘങ്ങളോടുമൊപ്പമാണ്
ആ രാത്രി തോര്ന്നത്
മരുഭൂമിയുടെ മിടിപ്പുകളായിരുന്നു
നെഞ്ചിലമര്ന്നു
പരസ്പരം തണുത്തത്
കാത്തു കിടന്ന്
മണ്ണ് മൂടിപ്പോയവ ഓരോന്നായ്
ആ ആര്ദ്രതയില് പൂവിട്ടു
അപ്പോഴായിരുന്നല്ലോ
ഞാനുണര്ന്നുപോയത്
അതുകൊണ്ടാവും
ഈ കൊതിപ്പിക്കുന്ന മണം
ഏകാന്തതയില് ഒരിക്കലൂം
എന്നെ വിട്ടുപോകാതെ
അങ്ങിനെ.......
*ശിഹാബുദ്ദീന് പൊയ്ത്തുംകടവിന്റെ ‘മഞ്ഞുകാലം‘
9 comments:
ഉണര്ന്നപ്പോള്
മുറിയിലൊട്ടുക്കും
ആകെ പൂത്തു നില്ക്കുന്ന
വല്ലാത്ത സുഗന്ധം
വളരെ നല്ല വരികള്... അഭിനന്ദനങ്ങള് സുനില്...
anees kodiyathur
www.kodiyathur.com
നല്ല വരികള്
നന്നായി :)
മുറിയിലൊട്ടുക്കും
ആകെ പൂത്തു നില്ക്കുന്ന
എന്നു വേണമായിരുന്നോ?
കിടക്കുന്നതിനു മുമ്പ്
അന്നും ഊതിവിട്ടിരുന്നത്
അസ്വാസ്ഥ്യത്തിന്റെ
പുകച്ചുരുളകളായിരുന്നല്ലോ
പിന്നെങ്ങനെ?
സ്വാസ്ഥ്യം സ്വപ്നം കണ്ടുറങ്ങിയതുകൊണ്ടു കൂടിയാവും.
അപരിചിതമായ
കൊടുംകാടുകളിലൂടെ
ഏതോ കുസൃതിക്കൊമ്പനോടിച്ചപ്പോള്
അകപ്പെട്ടുപോയത്
ഭൂതകാലങ്ങളുടെ കൊടും ചതുപ്പുകളിലും
ee varikal orupaadishtayi..
നന്നായി..
qw_er_ty
"കുഞ്ഞു നക്ഷത്രങ്ങള്
ഭൂമിയില്
ഞങ്ങളൊഴികെ
മറ്റാരും ഉണര്ന്നിരിക്കരുതേ
എന്നാവും
പ്രാര്ത്ഥിച്ചിട്ടുണ്ടാവുക"
nishkalankamaaya prarthanakal kelkkathirikunathenghane?
kavitha eyuth nirthiyo?
Post a Comment